सातबारा आईच्या नावे लावण्याच्या मोबदल्यात ५ हजाराची लाच घेणारा,मंडळ अधिकारी एसीबीच्या जाळ्यात
जळगाव-
तालुक्यातील प्रिपाळा येथील सातबारा उताऱ्यावर आईचे नाव लावण्याच्या मोबदल्यात मंडळ अधिकारी यांनी लाच मागितली. त्यानुसार लाच देतेवेळी सापळा रचून पाच हजाराची लाच स्विकारताना मंडळ अधिकाऱ्याला जळगाव एसीबीच्या पथकाने रंगेहाथ पकडले आहे.
याबाबत सविस्तर वृत्त असे की, तक्रारदार यांच्या वडिलांचे व आत्या भावाचे नाव कमी करून आईचे ७/१२उताऱ्यावर नाव लावण्यासाठी तक्रारदार यांनी तलाठी कार्यालय प्रिपाळा येथे दिनांक १६ मे रोजी अर्ज केला होता. त्यानंतर तक्रारदार २० मे रोजी तलाठी कार्यालयात सदर प्रकरणा बाबत चौकशी केली असता यातील किरण खंडु बाविस्कर , वय (४७) मंडळ अधिकारी सजा प्रिपाळा यांनी ७/१२उताऱ्यावर नाव लावण्यासाठी १० हजार रुपयांची लाचेची मागणी केली होती. त्यानंतर तक्रारदार यांनी २७ मे रोजी लाप्रवि जळगांव कार्यालयात तक्रार दिली. पंचासमक्ष लाच मागणी पडताळणी केली असता किरण खंडु बाविस्कर यांनी ५ हजार रुपये लाचेची मागणी केली होती.दिनांक ६ जून रोजी किरण खंडु बाविस्कर यांना ५ हजार रुपयाची लाच घेताना रंगेहाथ पकडण्यात आले आहे.
यांनी रचला यशस्वी सापळा
सापळा व तपास अधिकारी. पोलिस उप अधीक्षक, सुहास देशमुख यांच्या मार्गदर्शनाखली पी.एस. आय. दिनेशसिंग पाटील, पो.ना. बाळू मराठे, पोकॉ. राकेश दुसाने, पोनि एन.एन. जाधव, पी.एस. आय.सुरेश पाटील, पोहेकॉ रविंद्र घुगे, मपोहेकॉ शैला धनगर, पोना.किशोर महाजन, पोना. सुनिल वानखेडे, पोकॉ. प्रदीप पोळ, पो.कॉ. प्रणेश ठाकूर, पोकॉ. अमोल सुर्यवंशी, पोकॉ. सचिन चाटे यांनी कार्यवाही केली. रामानंदनगर पोलीस स्टेशन जि. जळगांव येथे गुन्हा दाखल करण्यात येत आहे.
