12 वर्षीय विद्यार्थिनीस रात्री झोपेतून उचलून नेण्याचा प्रयत्न आरोपीस अटक;पाचोरा तालुक्यात खळबळ
पाचोरा-
पाचोरा तालुक्यातील एका गावातील एका बारा वर्षीय विद्यार्थीनीस रात्री झोपेतून उचलून नेण्याचा प्रयत्नाची घटना समोर आली असून पाचोरा पोलिसात आरोपीविरुद्ध गुन्हा दाखल करण्यात आला असून आरोपीस अटक करण्यात आली आहे.
या घटनेबाबत सविस्तर वृत्त असे की, पाचोरा तालुक्यातील एका गावात दिनांक 4 जुलै रोजी रात्री अकरा वाजेच्या सुमारास बारा वर्षीय मुलगी आपल्या कुटुंबासोबत झोपलेली असताना आरोपी विनोद कुमार बच्छाव सिंग पटेल ( वय – 37) (राहणार सेक्टर -6 टकहीया पहाडी वार्ड- 15 परसोई ओझर, सोनभद्र उत्तर प्रदेश) याने तिचे तोंड दाबून खांद्यावर उचलून घेऊन जाण्याचा प्रयत्न केला सरदार मुलीच्या हातात आईच्या साडीचा पदर असल्याने साडी ओढला गेला व तिच्या आईला जाग आली व आईने आरडा -ओरड करताच आरोपीने मुलीला सोडून तेथून पळ काढला सदरील आरोपीचा मुलीच्या नातेवाईकांनी शोध घेतला परंतु तो आढळून आला नाही सदर घटनेची खबर पिंपळगाव (हरेश्वर) पोलिसांना मिळताच त्यांनी आरोपीचा शोध घेऊन त्यास ताब्यात घेतले व पाचोरा पोलिसांच्या ताब्यात दिले या घटने प्रकरणी पाचोरा पोलिसात मुलीच्या आईने दिलेल्या फिर्यादीवरून वरील आरोपी विरोधात पाचोरा पोलिसात गुन्हा दाखल करण्यात आला असून आरोपीस अटक करण्यात आले आहे सदर घटनेचा पुढील तपास पोलीस निरीक्षक अशोक पवार यांच्या मार्गदर्शनाखाली पोलीस हेड कॉन्स्टेबल भगवान चौधरी करीत आहे.
