जळगाव-
जळगाव जिल्ह्यात गर्दीच्या ठिकाणी खिसे कापुन पैसे चोरी झाल्याचे गुन्हे दाखल होत असल्याने पोलीस अधीक्षक महेश्वर रेड्डी अपर पोलीस अधीक्षक अशोक नखाते,संदीप पाटील, वरिष्ठ पोलीस निरीक्षक, स्थानिक गुन्हे शाखा, जळगाव यांना त्याबाबत योग्य ते मार्गदर्शन करुन सुचना दिल्या. त्याप्रमाणे त्यांनी त्यांचे अधिनस्त पोलीस अधिकारी व अंमलदार यांना खिसे कापुन पैसे चोरी करणारे आरोपी निष्पन्न करण्याबाबत सुचना दिल्या. त्याप्रमाणे दि.२५/०६/२०२५ रोजी पो.हवा.प्रविण भालेराव व अक्रम शेख, स्थानिक गुन्हे शाखा, जळगाव यांना गोपनिय माहिती मिळाली की, जळगाव शहरातील बस स्टॅण्ड मध्ये अमरावती येथील काही खिसे कापणारे रेकॉर्ड वरील गुन्हेगार आले आहे अशी माहिती मिळाल्यानंतर संदीप पाटील वरिष्ठ पोलीस निरीक्षक स्थानीक गुन्हे शाखा जळगाव यांना कळवले. त्यांनी पोउनि.शरद बागल, पोहेकाँ/अक्रम शेख, पोहेकॉ/नितीन प्रकाश बाविस्कर, पोहेकॉ प्रविण भालेराव, पोना/किशोर पाटील, पोकॉ रविंद्र कापडणे या पथकास जळगाव शहरातील बस स्टॅण्ड परिसरात पेट्रोलींग करुन फिरण्याबाबत कळविले. त्याप्रमाणे वरील पथकातील पोलीस अधिकारी व अंमलदार असे बस स्टॅण्ड परिसरात पेट्रोलींग करीत असतांना त्यांना ३ संशयीत इसम गर्दीच्या फायदा घेवून चोरी करण्याच्या इराद्याने दिसल्याने, त्यांनी सदर संशयीत इसमांना स्थानिक गुन्हे शाखा, जळगाव कार्यालयात त्यांना चौकशी कामी आणून त्यांना त्यांचे नाव गाव विचारता त्यांनी त्यांचे नाव १) अहमद बेग कादर बेग वय ६२ रा. मुजफ्फरपुरा नागपुरी गेट पोलीस स्टेशन जवळ अमरावती ता.जि. अमरावती, २) हफिज शाह हबीब शाह वय ४९ रा. बलगाव सकीनगर, अमरावती ता.जि. अमरावती, ३) अजहर हुसैन हफर हुसेन वय ४९ रा. सुपिया मजिद समोर, रहमत नगर, अमरावती ता.जि. अमरावती असे सांगितले. त्यांचे कडे चौकशी केली असता त्यांनी कळविले की, दि. २४/०६/२०२५ रोजी दुपारच्या वेळी त्यांनी जळगाव बस स्टॅण्ड मध्ये बस मध्ये चढणाऱ्या एका इसमाच्या खिस्यातील १००/- रुपये दराचे दोन बंडल चोरी केल्याचे कबुल केले आहे.
तेव्हा वरील पथकातील पोलीस अधिकारी व अंमलदार यांनी त्यांचे अंगझडती व त्यांच्याकडील वाहनाची झडती घेतली असता, त्यांचे अंगझडतीत ३३,८३०/- रुपये रोख, १७,५००/- रुपये किंमतीचे ५ मोबाईल, ०१ रेक्झीन बॅग, ५,००,०००/- रुपये किंमतीची ०१ टाटा इंडिका व्हिस्टा कार असा एकूण ५,५१,५३०/- रुपयाचा मुद्देमाल मिळून आला. सदर बाबत जिल्हापेठ पो.स्टे. CCTNS नं. १६१/२०२५ भारतीय न्याय संहिता २०२३ चे कलम ३०३ (२) प्रमाणे दाखल गुन्हयांत सदरचा मुद्देमाल जप्त करुन आरोपीतांना जिल्हापेठ पो.स्टे. च्या ताब्यात देण्यात आले आहे. पैकी आरोपी १) अहमद बेग कादर बेग वय ६२ रा. मुजफ्फरपुरा नागपुरी गेट पोलीस स्टेशन जवळ अमरावती ता.जि. अमरावती यांचे विरुध्द अमरावती शहरात विविध पोलीस ठाण्यात ०४ गुन्हे दाखल आहेत.
मा.डॉ. श्री. महेश्वर रेड्डी, पोलीस अधीक्षक, जळगाव यांच्याकडुन जळगाव जिल्हा पोलीस दला तर्फे जळगाव जिल्हयांतील नागरिकांना आव्हान करण्यात येते की, नागरिकांनी प्रवास करतांना रेल्वे स्टेशन, बस स्टॅण्ड, व इतर प्रवासी वाहतुक ठिकाणी आपल्याकडे असलेल्या मौल्यवान वस्तुंची काळजी घ्यावी. तसेच नागरिकांना कोणी संशयास्पद इसम दिसुन आल्यास त्यांनी तात्काळ डायल ११२ या टोलफ्री क्रमांकावर संपर्क साधुन माहिती दयावी. तसेच मा.डॉ.श्री. महेश्वर रेड्डी, पोलीस अधीक्षक, जळगाव यांनी जळगाव जिल्हयांतील सर्व पोलीस स्टेशन प्रभारी अधिकारी व स्थानिक गुन्हे शाखा, जळगाव कडील पोलीस अधिकारी व अंमलदार यांना गर्दीच्या ठिकाणी पेट्रोलींग फिरण्याबाबत योग्य ते मार्गदर्शन करुन सुचना दिल्या आहेत.
सदरची कार्यवाही ही मा.डॉ. श्री. महेश्वर रेड्डी, पोलीस अधीक्षक, जळगाव, मा.श्री. अशोक नखाते, अपर पोलीस अधीक्षक, जळगाव, मा. श्री. संदीप गावित उपविभागीय पोलीस अधिकारी जळगाव भाग, मा.श्री संदीप पाटील, वरिष्ठ पोलीस निरीक्षक, स्थानिक गुन्हे शाखा, जळगाव यांचे मार्गदर्शनाखाली पोउनि. श्री. शरद बागल, पोहेकॉ सुनिल दामोदरे, पोहेकों/अक्रम शेख, पोहेकों/नितीन बाविस्कर, पोहेकों/प्रविण भालेराव, पोना/किशोर पाटील, पोकों/रविंद्र कापडणे यांनी केली आहे.
