राहता-
आहिल्यानगर जिल्ह्यातील राहता तालुक्यात खळबळजनक घटना उघडकीस आली आहे.माहेरी गेलेल्या पत्नीने सासरी परत येण्यास नकार दिल्याने, तिला घ्यायला निघालेल्या पतीने आपल्या चार अल्पवयीन मुलांना विहिरीत ढकलून देत स्वतःही विहिरीत उडी मारत आत्महत्या केल्याची घटना राहता तालुक्यातील कोऱ्हाळे शिवारातील शिर्डी बाह्यवळण रस्त्यालगत असलेल्या साठवण तलावाजवळ शनिवारी उघडकीस आली.या बाबत मिळालेल्या माहितीनुसार अरुण सुनील काळे (वय ३०, रा. चिखली, कारेगाव ता. श्रीगोंदा, अहिल्यानगर), शिवानी अरुण काळे (वय 8), प्रेम अरुण काळे (वय 7), वीर अरुण काळे (वय 6) आणि कबीर अरुण काळे (वय 4) अशी मृतांची नावे आहेत.कोऱ्हाळे शिवारातील भाऊसाहेब धोंडिबा कोळगे यांच्या शेतातील गट नंबर २६९ मधील विहिरीमध्ये शनिवारी दोन मृतदेह तरंगताना आढळल्याचे केलवडचे पोलीस पाटील सुरेश गमे यांनी राहाता पोलीसांना या बाबत माहिती दिली. पोलीसांसह शिर्डी व राहाता येथील नगरपरिषदेचे आपत्ती व्यवस्थापन पथक तातडीने घटनास्थळी दाखल झाले. विहिरीत मोठ्या प्रमाणात पाणी असल्याने पाण्यात उतरून मदतकार्य अशक्य होते. अखेर गळ सोडून शोध मोहीम सुरू करण्यात आली आणि एकापाठोपाठ एक मृतदेह बाहेर काढण्यात आले.घटलेल्या घटनेमुळे परीसरात हळहळ व्यक्त होत आहे.
