पाचोरा-
एका महाविद्यालयात शिक्षण घेत असलेल्या मुलीसोबत ती अल्पवयीन असताना तिच्या मावस काकाने वेळोवेळी कोणगाव, कल्याण व पाचोरा तालुक्यातील एका गावात वेळोवेळी शारीरिक अत्याचार करून तिला गरोदर केले. नंतर आई, काका व कुटुंबियांनी तिचा गर्भपात केल्याची घटना उघडकीस आली असून, या प्रकरणी पाचोरा पोलीस स्टेशनला आरोपींविरोधात गुन्हा दाखल करण्यात आला असून या गुन्ह्यात एका डॉक्टरलाही अटक करण्यात आली आहे.तालुक्यातील एका गावात विद्यार्थिनी महाविद्यालयीन शिक्षण घेत आहे. २०१९ मध्ये कोणगाव, कल्याण येथे आणि २०२५ च्या मे-जून महिन्यात तिच्यावर शारीरिक अत्याचार केला. ती सातवीत असतानाही तिचा मावस पुतणीवर अत्याचार करणारा मुख्य आरोपी मावसा फरार काका प्रवीण इंगळे (रा. कोणगाव, कल्याण जि. ठाणे) याने विनयभंग केला होता. दरम्यान, वारंवार शारीरिक अत्याचारातून तरुणी ही गर्भवती राहिली. तिच्या कुटुंबीयांना ही माहिती समजताच बदनामी होऊ नये म्हणून तिचे आई, काका व आजी, बाबा यांनी पाचोऱ्यातील एका डॉक्टरांकडे जाऊन तिचा गर्भपात करून घेतला. याबाबत या तरुणीने पाचोरा पोलीस स्टेशनला दिलेल्या फिर्यादीवरून अत्याचार करणारा मावस काका, आई, काका, आजी, बाबा यांच्याविरोधात पाचोरा पोलीस स्टेशन येथे सोमवारी रात्री गुन्हा दाखल करण्यात आला असून पीडितेचा काका मनोज प्रभाकर भालेराव (वय-३५) यास रात्रीच ताब्यात घेऊन अटक करण्यात आली असून मंगळवारी या आरोपीस न्यायालयात हजर केले असता तीन दिवसांची पोलीस कोठडी सुनावली आहे. या गुन्ह्यात आरोपी डॉ. रवींद्र पाटील (वय ५०)यांना बुधवारी रात्री अटक करण्यात आली. नंतर शुक्रवारी या दोघा आरोपीना पुन्हा न्यायालयात हजर केले असता न्यायालयीन कोठडी सुनावली. नंतर दोघांची नंदुरबार येथे कारागृहात रवानगी करण्यात आली.या प्रकरणातील मुख्य आरोपी प्रवीण इंगळे (रा. कोणगाव, कल्याण जिल्हा ठाणे) हा फरार आहे. आरोपी हा पोलीस असल्याची माहिती समोर आली असून, या आरोपी पोलिसाचा पाचोरा पोलीस शोध घेत आहेत. या गुन्ह्यात अटकेतील आरोपींची संख्या आता दोन झाली आहे.या गुन्ह्याचा पुढील तपास पोलीस निरीक्षक राहुलकुमार पवार यांच्या मार्गदर्शनाखाली पोलीस उपनिरीक्षक कृष्णा घायाळ हे करत आहेत.
