ठाणे-
ठाणे जिल्हातील उल्हासनगरमध्ये नात्याला काळिमा फासणारी घटना उघडकीस आली आहे. नराधम बापानेच पोटच्या पोरीवर अत्याचार करत असल्याचे प्रकरण उल्हासनगरमधून समोर आले आहे. पत्नीपासून विभक्त झालेला नराधम मुलीवर अत्याचार करत होता. पोलीसांनी दिले गुड टच, बॅड टचचे धडे दिले, त्यावेळी हा धक्कादायक प्रकार समोर आला.आईने दिलेल्या तक्रारीवरून पोक्सोचा गुन्हा दाखल करण्यात आला.उल्हासनगरच्या मध्यवर्ती पोलीस ठाण्याच्या हद्दीत हा प्रकार घडला आहे.उल्हासनगरमध्ये पोलीस एका शाळेत विद्यार्थिनींना गुड टच, बॅड टचचे धडे द्यायला गेले, ते ऐकून एका चिमुकलीला आपला बाप आपल्यासोबत दुष्कर्म करत असल्याचं समजलं, तिने याबाबत शिक्षिकेला सांगितले याबाबत तिने माहिती दिल्यानंतर शिक्षिकेनं पोलीसांच्या मदतीने तिच्या आईला ह्या बाबत माहिती दिली आईने मध्यवर्ती पोलीस ठाण्यात दिलेल्या तक्रारीवरून या नराधम बापाविरोधात पोक्सो आणि बलात्काराचा गुन्हा दाखल करत त्याला बेड्या ठोकण्यात आल्या. यानंतर मुलीचा ताबा आईकडे देण्यात आला असून बाप आणि मुलीच्या नात्याला काळिमा फासणाऱ्या या प्रकारामुळे उल्हासनगरमध्ये संतापाची लाट उसळली आहे.
