पाचोऱ्यात सरदार वल्लभभाई पटेल जयंतीनिमित्त ‘गुर्जर समाज गौरव समारंभ व सन्मान सोहळ्याचे आयोजन..

पाचोरा-

भारताचे लोहपुरुष आणि एकात्म भारताचे शिल्पकार सरदार वल्लभभाई पटेल यांच्या जयंतीनिमित्त पाचोरा शहरात रविवार, दिनांक 1 नोव्हेंबर 2026 रोजी दुपारी 1 वाजता स्वामी लॉन्स, पाचोरा–भडगाव बायपास महामार्ग, गजानन पेट्रोल पंपाजवळ, पाचोरा येथे ‘गुर्जर समाज गौरव समारंभ व सन्मान सोहळा – 2026’ आयोजित करण्यात आला आहे. समाजातील गुणवंत विद्यार्थी, विविध क्षेत्रांत उल्लेखनीय कार्य करणारे मान्यवर, सामाजिक कार्यकर्ते, उद्योजक, शैक्षणिक व कृषी क्षेत्रातील कर्तृत्ववान व्यक्तींचा गौरव करून त्यांच्या कार्याचा सन्मान करणे हा या सोहळ्याचा प्रमुख उद्देश आहे.

या कार्यक्रमाला केंद्रीय युवा कार्य व क्रीडा राज्यमंत्री रक्षाताई निखिल खडसे, महाराष्ट्र राज्याचे जलसंपदा व आपत्ती व्यवस्थापन मंत्री गिरीशभाऊ महाजन, पाणीपुरवठा व स्वच्छता मंत्री तथा जळगाव जिल्ह्याचे पालकमंत्री गुलाबराव पाटील, विधान परिषद सदस्य नंदकिशोर भागवत महाजन, पाचोरा–भडगावचे आमदार किशोरआप्पा पाटील यांच्यासह विविध क्षेत्रांतील मान्यवर उपस्थित राहणार आहेत. याशिवाय अखिल भारतीय गुर्जर परिषदेचे राष्ट्रीय अध्यक्ष अ‍ॅड. शांताराम महाजन, कवयित्री बहिणाबाई चौधरी उत्तर महाराष्ट्र विद्यापीठाचे कुलसचिव डॉ. विनोद पाटील, मंत्रालयातील राजशिष्टाचार विभागाच्या उपसचिव क्रांती भीमराव पाटील, माजी आमदार दिलीपभाऊ वाघ, चोपडा नगरपरिषदेच्या लोकनियुक्त नगराध्यक्षा नम्रता सचिन पाटील, ओंकारेश्वर संस्थानचे उपाध्यक्ष अशोक महाजन, जळगाव महानगरपालिकेच्या स्थायी समितीचे सभापती डॉ. चंद्रशेखर पाटील आणि भाजपचे जळगाव जिल्हाध्यक्ष डॉ. राधेश्याम चौधरी यांचीही उपस्थिती राहणार आहे.
तसेच निर्मल सीड्सचे संचालक डॉ. सुरेश पाटील (चहार्डी), पाचोरा तालुका सहकारी शिक्षण संस्थेचे चेअरमन नानासाहेब संजय वाघ, निर्मल सीड्सच्या संचालिका तथा निर्मल इंटरनॅशनल स्कूलच्या चेअरमन वैशालीताई सूर्यवंशी, गटविकास अधिकारी खुशालचंद अंजने, भाजपचे पाचोरा–भडगाव विधानसभा क्षेत्रप्रमुख अमोलभाऊ शिंदे, कृषी उत्पन्न बाजार समितीचे सभापती गणेश भीमराव पाटील, माजी कुलसचिव डॉ. शांताराम बडगुजर, नरेंद्र बडगुजर (लोहारी), समाज प्रतिनिधी प्रल्हाद गुजर (पुनगाव), सूर्यवंशी गुर्जर समाजाचे प्रतिनिधी किरण गुजर (शेंदुर्णी) आणि काँग्रेसचे जळगाव जिल्हाध्यक्ष अ‍ॅड. अविनाश भालेराव आदी मान्यवरांचा सहभाग राहणार आहे.
या गौरव सोहळ्यात गुणवंत विद्यार्थी, कृषी क्षेत्रातील कर्तृत्ववान व्यक्ती तसेच विविध क्षेत्रांत उल्लेखनीय योगदान देणाऱ्या व्यक्तींना सन्मानित करण्यात येणार आहे. समाजातील प्रतिभा, कर्तृत्व आणि सेवाभाव यांना प्रोत्साहन देतानाच विविध क्षेत्रांतील व्यक्तींना एकत्र आणून सामाजिक सलोखा, एकोपा आणि सहकार्याची भावना दृढ करण्याचा प्रयत्न या माध्यमातून केला जाणार आहे. सरदार वल्लभभाई पटेल यांनी देशाच्या एकात्मतेसाठी दिलेले योगदान आणि राष्ट्रीय एकतेचा संदेश लक्षात घेऊन आयोजित करण्यात येणारा हा सोहळा समाजातील गुणवंतांचा गौरव करण्याबरोबरच नव्या पिढीला प्रेरणा देणारा ठरेल, अशी अपेक्षा व्यक्त होत आहे. या कार्यक्रमासाठी पाचोरा शहर व परिसरातील समाजबांधव, नागरिक, गुणवंत विद्यार्थी, विविध क्षेत्रांतील मान्यवर आणि हितचिंतकांनी मोठ्या संख्येने उपस्थित राहावे, असे आवाहन गुर्जर समाज गौरव समारंभ आयोजन समिती, पाचोरा व परिसर यांच्या वतीने करण्यात येत आहे.