आषाढी एकादशीच्या दिवशी मांस,मासे विक्री,बंद ठेवण्याची आंतरराष्ट्रीय हिंदू विश्व परिषद व राष्ट्रीय बजरंग दलाची मागणी,दिले निवेदन…
पाचोरा-
आषाढी एकादशी हा हिंदू धर्मातील अत्यंत पवित्र, श्रद्धा व भक्तीचा दिवस मानला जातो. या दिवशी राज्यभरातील लाखो वारकरी पंढरपूरच्या श्री. विठ्ठल-रुक्मिणीच्या दर्शनासाठी वारी करतात. तसेच अनेक भाविक उपवास, हरिनाम सप्ताह, भजन-कीर्तन, हरिपाठ व विविध धार्मिक कार्यक्रमांमध्ये सहभागी होत असतात. या पार्श्वभूमीवर आषाढी एकादशीच्या दिवशी मटण, चिकन, मासे तसेच इतर मांसाहारी पदार्थांची विक्री आणि बोकड बळी पूर्णपणे बंद ठेवण्यात यावी, अशी मागणी आंतरराष्ट्रीय हिंदू विश्व परिषद व राष्ट्रीय बजरंग दल यांनी शासन व प्रशासनाकडे केली आहे.संघटनेच्या पदाधिकाऱ्यांनी प्रसिद्धीस दिलेल्या निवेदनात म्हटले आहे की, आषाढी एकादशी हा हिंदू समाजाच्या श्रद्धा, परंपरा आणि संस्कृतीशी निगडित अत्यंत पवित्र दिवस आहे. अशा दिवशी काही ठिकाणी मांसाहारी पदार्थांची विक्री व बोकड बळी होत असल्याचे दिसून येते. त्यामुळे अनेक भाविकांच्या धार्मिक भावना दुखावल्या जात असल्याचा दावा संघटनेने केला आहे. या पार्श्वभूमीवर जिल्हा प्रशासन, पोलीस विभाग, स्थानिक स्वराज्य संस्था तसेच अन्न व औषध प्रशासन यांनी समन्वयाने काम करून लागू असलेल्या कायद्यांच्या चौकटीत आवश्यक ती कार्यवाही करावी आणि आषाढी एकादशीच्या दिवशी मांस विक्री केंद्रे, मासे विक्री तसेच बोकड बळी यावर निर्बंध घालण्याबाबत योग्य निर्णय घ्यावा, अशी मागणी करण्यात आली आहे.संघटनेने नागरिकांनाही आवाहन करत आषाढी एकादशीच्या पवित्रतेचा सन्मान राखावा, सामाजिक सलोखा व शांतता जपावी तसेच कोणत्याही प्रकारे कायदा व सुव्यवस्था बिघडेल असे कृत्य करू नये, असे म्हटले आहे.दरम्यान, अशा मागण्यांबाबत अंतिम निर्णय घेण्याचा अधिकार संबंधित शासन व स्थानिक प्रशासनाचा असून, कोणतीही कारवाई लागू असलेल्या कायदे, न्यायालयीन निर्देश आणि सार्वजनिक सुव्यवस्था लक्षात घेऊनच केली जाईल. सर्व धर्मांच्या भावना, नागरिकांचे कायदेशीर अधिकार आणि सामाजिक सौहार्द यांचा समतोल राखून प्रशासनाने योग्य निर्णय घ्यावा, अशी अपेक्षाही आंतरराष्ट्रीय हिंदू विश्व परिषद व राष्ट्रीय बजरंग दलाने व्यक्त केली आहे.
