पाचोरा येथील टॅली प्रोफेशनल अँकेडमीचे अमीन पिंजारी यांना एज्युकेशन एक्सलेन्स पुरस्कार प्रदान
पाचोरा –
शहरातील नवकर प्लाझा येथील टॅली प्रोफेशनल अँकेडमीला नागपूर येथे आयोजित एका भव्य कार्यक्रमात टॅली शिक्षण क्षेत्रातील उत्कृष्टतेसाठी पुरस्कार प्रदान करण्यात आला. हा पुरस्कार बॉलिवूड अभिनेत्री रितू शिवपुरी यांच्या हस्ते अँकेडमीचे संचालक अमिन पिंजारी आणि आसिफ पिंजारी यांना देण्यात आला. ऑल इंडिया कौन्सिल फॉर प्रोफेशनल एक्सलेन्स (AICPE) तर्फे आयोजित या कार्यक्रमात AICPE चे डायरेक्टर कविता ताउरी आणि शरद ताउरी हेही उपस्थित होते.
अल्पावधीतच टॅली प्रोफेशनल अँकेडमीने शिक्षण क्षेत्रात उल्लेखनीय कामगिरी करत सलग तिसऱ्यांदा हा पुरस्कार मिळवला आहे. 2022-2023 आणि आता 2024 या वर्षांमध्ये अँकेडमीला हा पुरस्कार प्रदान करण्यात आला आहे. “अकाउंटिंग करता आलीच पाहिजे” या ध्येयावर भर देऊन अँकेडमीने पाचोरा शहरात आपली स्थापना केली आहे.
अमिन पिंजारी यांनी सांगितले की, “ऑल इंडिया कौन्सिल फॉर प्रोफेशनल एक्सलेन्सच्या 2500 हून अधिक सेंटरमध्ये माझ्या अँकेडमीला हा पुरस्कार मिळाला याचा मला खूप आनंद आहे. आम्ही विद्यार्थ्यांना व्यवहारात उतरता येईल असे व्यावहारिक शिक्षण देण्यावर भर देतो. त्यामुळे विद्यार्थ्यांना नोकरीच्या क्षेत्रात कोणतीही अडचण येणार नाही.”
अँकेडमीमध्ये विद्यार्थ्यांना टॅली प्राइम कोर्स, डेटा एंट्री ऑपरेटर, अ‍ॅडव्हान्स एक्सेल आणि पेरोल मॅनेजमेंट सारखे विविध कोर्स शिकवले जातात. अमिन पिंजारी आणि त्यांचे बंधू आसिफ पिंजारी स्वतःच विद्यार्थ्यांना शिकवतात. त्यांनी या पुरस्कारासाठी विद्यार्थ्यांना धन्यवाद दिले.
पाचोराची टॅली प्रोफेशनल अँकेडमीला सलग तिसऱ्यांदा एज्युकेशन एक्सलेन्स पुरस्कार बॉलिवूड अभिनेत्री रितू शिवपुरी यांच्या हस्ते पुरस्कार प्रदान अकाउंटिंगवर भर देऊन विद्यार्थ्यांना व्यावहारिक शिक्षण विद्यार्थ्यांना नोकरीच्या क्षेत्रात मदत करण्याचा उद्देश तसेच विविध कोर्स शिकवले जातात.
