पंधरा हजार रुपये हप्ता द्यावा लागेल,नाहीतर तुझ्यावर गुन्हा दाखल करतो म्हणून पोलीस कॉन्स्टेबल यांनी केली लाचेची मागणी.
अमळनेर-
जळगाव जिल्ह्यातील अमळनेर पोलीस स्टेशनचे दोन पोलीस कॉन्स्टेबल यांनी तक्रारदार यांना “तुला वाहनांमध्ये गॅस भरण्याचा व्यवसाय करायचा असेल तर आम्हाला दरमहा १५ हजार रुपये हप्ता द्यावा लागेल,नाहीतर तुझ्यावर अवैधरित्या वाहनांमध्ये गॅस भरत असल्याचा गुन्हा दाखल करतो” या कारणास्तव तक्रारदार यांचा कडे लाचेची मागणी केली.
या बाबत सविस्तर माहिती अशी कि, तक्रारदार हे अमळनेर येथील धुळे रोडवरील पाचपावली मंदिराजवळ एका टपरीमध्ये एल.पी.जी. गॅस सिलेंडर मधुन कॉम्प्रेसर मशीनच्या सहाय्याने वाहनांमध्ये गॅस भरण्याचा व्यवसाय करतात. सदरचा व्यवसाय करत असतांना अमळनेर पोलीस स्टेशनचे पोलीस कॉन्स्टेबल अमोल राजेंद्र पाटील, व जितेंद्र रमणलाल निकुंभे हे तक्रारदार व्यवसाय करीत असलेल्या ठिकाणी येवुन तक्रारदार यांना “तुला वाहनांमध्ये गॅस भरण्याचा व्यवसाय करायचा असेल तर आम्हास दरमहा १५,०००/- रुपये हप्ता द्यावा लागेल, नाहीतर तुझ्यावर अवैधरित्या वाहनांमध्ये गॅस भरत असल्याचा गुन्हा दाखल करतो.” असे सांगुन तक्रारदार यांच्याकडे लाचेची मागणी केल्याची तक्रारदार यांनी दि.२३.०९.२०२५ रोजी ला.प्र.वि. धुळे कार्यालयात येवुन समक्ष तक्रार दिली होती.सदर तक्रारीची दि.२३.०९.२०२५ रोजी पडताळणी केली असता आलोसे क्र. ०१ व ०२ यांनी तक्रारदार यांच्याकडे १५,०००/- रुपये लाचेची मागणी करुन तडजोडीअंती १२,०००/- रुपये स्विकारण्याचे मान्य केले होते.
त्यानंतर सापळा कारवाई दरम्यान पोलीस कॉन्स्टेबल अमोल राजेंद्र पाटील, जितेंद्र रमणलाल निकुंभे, यांनी खाजगी इसम उमेश बारी यांच्या हस्ते अमळनेर येथील बहादरपुर रोडवरील पाचपावली मंदिरासमोरील मिनाबाई ठाकरे शॉपिंग कॉम्प्लेक्स मध्ये स्वराज्य पानाचे दुकानात तक्रारदार यांच्याकडुन १२,०००/- रुपये लाचेची
रक्कम स्विकारतांना त्यांना रंगेहात पकडण्यात आले म्हणुन गुन्हा दाखल करण्यात आला.वरीष्ठांच्या मार्गदर्शनाखाली सापळा पर्यवेक्षण अधिकारी सचिन साळूंखे पोलीस उप अधीक्षक ला.प्र.वि. धुळे,सापळा अधिकारी पद्मावती कलाल, पोलीस निरीक्षक,सापळा पथक यशवंत बोरसे, पोलीस निरीक्षक,पोहेकॉ.राजन कदम, मुकेश अहिरे,प्रविण मोरे, संतोष पावरा,पोकॉ.प्रशांत बागुल,मकरंद पाटील,प्रविण पाटील,सागर शिर्के,प्रितेश चौधरी,रेश्मा परदेशी,पोहेकॉ.सुधीर मोरे, जगदिश बडगुजर यांनी हि कारवाई यशस्वी केली.
