पाचोरा–
भडगाव शहरातील कणखर युवा नेतृत्व लखीचंद पाटील यांची शिवसेना शिंदे गटाच्या युवासेना जिल्हाप्रमुख पदी नियुक्तीची घोषणा मतदारसंघाचे आमदार किशोर आप्पा पाटील यांनी आज दिनांक ४ ऑगस्ट २०२४ रविवार रोजी दुपारी 3 वाजता भडगाव रोडवरील पदमाई सिमेंट प्रॉडक्ट प्रांगणात केली,
पाचोरा भडगाव मतदारसंघांतील भडगाव तालुक्यात लखीचंद पाटील हे युवा सेनेचे नेतृत्व सांभाळण्यात सक्षम असल्याचे आमदार किशोर आप्पा पाटील यांच्यासह शिवसेना शिंदे गटातील पदाधिकारी व कार्यकर्त्यांना दिसून आल्याने त्यांना पक्ष वाढीची जबाबदारी देण्यात यावी अशी मागणी सर्वसामान्य कार्यकर्त्यांमधून होत असल्याने आमदार किशोर आप्पा पाटील यांनी कार्यकर्त्यांच्या मागणीचा विचार करून लखीचंद पाटील यांची शिवसेना शिंदे गटाच्या जळगाव जिल्हा युवासेना प्रमुखपदी निवड केली, यावेळी त्यांचा सत्कार आमदार किशोर आप्पा पाटील, पाचोरा तालुक्यातील एमएसपी ग्रुपचे संचालक मनोज शांताराम पाटील, पदमाई सिमेंट प्रोडक्सचे संचालक खेडकर अण्णासाहेब, यांचे तर्फे शाल, श्रीफळ, गुलाब पुष्प देऊन त्यांचे अभिनंदन करण्यात आले.
यावेळी पाचोरा भडगाव मतदार संघातील शिवसेना शिंदे गटाचे पदाधिकारी, कार्यकर्ते व पत्रकार बांधवांची मोठ्या संख्येने उपस्थिती होती.
पक्ष विस्तारासाठी आमदार साहेबांनी दिलेली जबाबदारीपार पाडू व पक्ष वाढीसाठी जोरदार प्रयत्न करू असे लखीचंद पाटील यांनी यावेळी सांगितले.
