पेंटीपाका-(प्रतिनिधी-सिरोंचा राजमोगली दुर्गम)
जिल्हा परिषद उच्च प्राथमिक शाळा पेंटीपाका येथे १५ ऑगस्ट २०२६ रोजी स्वातंत्र्य दिन मोठ्या उत्साहात व देशभक्तीपूर्ण वातावरणात साजरा करण्यात आला. यावेळी शाळेचे मुख्याध्यापक आर. आर. अग्गुवार, शिक्षक एस. आर. गोदारी व श्रीमती पी. जे. केवट यांची उपस्थिती होती.स्वातंत्र्य दिनानिमित्त शाळा व्यवस्थापन समितीचे अध्यक्ष रघू दुर्गम व सरपंच श्रीमती बालक्का रेड्डी यांच्या हस्ते ध्वजारोहण करण्यात आले. ध्वजारोहणानंतर राष्ट्रगीताने परिसर दुमदुमून गेला. यानंतर विद्यार्थ्यांनी शिस्तबद्ध कवायत व संचलन सादर करून उपस्थितांची मने जिंकली.ध्वजारोहण कार्यक्रमाला ग्रामपंचायत कर्मचारी, प्राथमिक आरोग्य केंद्रातील कर्मचारी तसेच माजी विद्यार्थी संघाचे अध्यक्ष डॉ. रमेश दुर्गम यांची प्रमुख उपस्थिती होती. विद्यार्थ्यांनी विविध सांस्कृतिक व देशभक्तिपर कार्यक्रम सादर करत स्वातंत्र्य दिनाचा उत्साह द्विगुणित केला.यावेळी विद्यार्थ्यांनी तंबाखूमुक्तीची शपथ तसेच साक्षरता शपथ घेतली. उपस्थित मान्यवरांनी विद्यार्थ्यांना स्वातंत्र्य दिनाचे महत्त्व, देशभक्ती, शिक्षण व साक्षरता तसेच व्यसनमुक्ती याबाबत मार्गदर्शन केले.
शिक्षक, विद्यार्थी, ग्रामस्थ आणि उपस्थित मान्यवरांच्या सहकार्याने स्वातंत्र्य दिनाचा कार्यक्रम उत्साहपूर्ण वातावरणात यशस्वीरीत्या संपन्न झाला.
